سب لعل وگہر

فہمیدہ ریاض

سنگ میل پبلی کیشنز، لاہور
2011 | مزید
  • ذیلی عنوان

    کلیات

  • معاون

    شمیم حنفی

  • موضوعات

    شاعری

  • صفحات

    486

کتاب: تعارف

تعارف

فہمیدہ ریاض کا نام ذہن میں آتے ہی پاکستان ،بر طانیہ اور بھارت ذہن میں آجا تا ہے کیونکہ مصنفہ نے ان تین ملکوں میں زندگی گزاری اور عملی زندگی میں بھی حصہ لیا۔ اپنی شروعاتی شاعری سے ہی وہ احمد ندیم قاسمی کی نظر میں آگئی تھیں تو لازمی تھا کہ تر قی پسندی کی جانب ان کا رجحان ہواور ہوا بھی ایسا ہی۔ انہوں نے شاعری سے اپنی شناخت بنا ئی اورشاعری میں بے باک و بلند آواز کے لیے شہرت نصیب ہوئی۔ انہوں نے اپنی زندگی کو تعلیم کے زاویہ میں مصروف رکھا۔ صحافت ، ثقافت و سما ج اور لغت میں بھی ان کی سرگرمیاں مستقل جاری رہیں ۔ اس کلیات میں ان کے شعر ی مجموعوں کو جمع کیا گیا ہے جن کی تعداد چھ ہے ۔ پتھر کی زبان ،بدن دریدہ ، دھوپ ،کیا تم پورا چاندنہ دیکھوگے ، ہمر کاب اور آدمی کی زندگی ہے۔ان میں سے تمام میں صرف نظمیں ہیں جب کہ چند غزلیں ’بدن دریدہ ‘ میں ہیں ۔ ان کی شاعر ی میں تانیثی حسیت ، نسائی کیفیت ،سماجی مسائل ، سیاسی ظلم و جبر جیسے منفرد موضوعات پڑھنے کوملتے ہیں ۔ ان کے متعلق کہا جاتا ہے کہ شاعری میں متنوع لہجوں کی مالک تھیں۔اس مجموعے کے مطالعہ میں یقینا آپ ان کی مضبوط آواز سے فکر اخذ کریں گے جنہوں نے پاکستان میں سیاسی جبر کا سامنا کیا اور بھارت میں خود ساختہ جلا وطنی کی زندگی بسر کی۔

.....مزید پڑھئے

مصنف: تعارف

فہمیدہ ریاض

فہمیدہ ریاض

نام فہمیدہ ریاض اور تخلص فہمیدہ ہے۔۲۸؍جولائی ۱۹۴۵ء کو میرٹھ میں پیدا ہوئیں۔ ایم اے تک تعلیم حاصل کی۔ لندن سے فلم ٹیکنک میں ڈپلوما حاصل کیا۔طالب علمی کے زمانے میں حیدرآباد میں پہلی نظم لکھی جو ’’فنون‘‘ میں چھپی۔ پہلا شعری مجموعہ ’’پتھر کی زبان‘‘ ۱۹۶۷ء میں منظر عام پر آیا۔’’بدن دریدہ‘‘ ۱۹۷۳ء میں ان کی شادی کے بعد انگلینڈ کے زمانہ قیام میں چھپا۔’’دھوپ‘‘ ان کا تیسرا مجموعۂ کلام ۱۹۷۶ء میں چھپا۔ کچھ عرصہ نیشنل بک کونسل ، اسلام آباد کی سربراہ رہیں۔جب جنرل ضیاء الحق برسر اقتدار آئے تو یہ ادبی مجلہ’’آواز‘‘ کی مدیرہ تھیں۔ ملٹری حکومت ان کو اچھی نگاہ سے نہیں دیکھتی تھی ۔ یہ ہندوستان چلی گئیں۔ ’’کیا تم پورا چاند نہ دیکھو گے‘‘۱۹۴۸ء میں ہندوستان میں ان کا شعری مجموعہ چھپا۔ ضیاء الحق کے انتقال کے بعد فہمیدہ ریاض پاکستان واپس آگئیں۔ ان کی دیگر تصانیف کے نام یہ ہیں:’حلقہ مری زنجیر کا ‘، ’ہم رکا ب‘، ’ادھورا آدمی‘، ’اپنا جرم ثابت ہے‘، ’ میں مٹی کی مورت ہوں‘، ’آدمی کی زندگی‘۔ ان کی محبوب صنف سخن نظم ہے ۔ بحوالۂ:پیمانۂ غزل(جلد دوم)،محمد شمس الحق،صفحہ:381

.....مزید پڑھئے

مصنف کی مزید کتابیں

مزید

مقبول و معروف

مزید

کتابوں کی تلاش بہ اعتبار

کتابیں : بہ اعتبار موضوع

شاعری کی کتابیں

رسالے

کتاب فہرست

مصنفین کی فہرست

یونیورسٹی اردو نصاب