تحقیق و تنقید

کتاب: تعارف

اختر ارینوی کی تنقیدی اہمیت ادبی سطح پر تدریسی اقدار کی حامل ہے۔ان کی تنقید میں موضوعات کی فراوانی ملتی ہے ،اس کا سبب نصابی مطالبات نظر آتے ہیں۔ کیوں کہ ان کی تنقید نصاب کی ضروریات کے تابع اور طلبہ و جامعہ کے مفاد سے وابستہ رہتی ہے یہی وجہ کہ ان کے تقریبا ہر تنقیدی مقالے میں کلاس کا سا انداز جھلکتا نظر آتا ہے۔ زیر نظر کتاب"تحقیق و تنقید"اختر ارینوی کی تنقیدی کتاب ہے ، اس کتاب میں انھوں نے اردو کی رومانی شاعری، شاد عظیم آبادی کی شاعری، افسانے میں مقصد، انشائی ابن الوقت ، افسانے میں حقیقت طرازی و مثال نگاری ، ڈراما فنی نقطہ نظر سے، بہار میں اردو ناول، اور اقبال اور ٹیگور جیسے دل چسپ عناوین پر تنقیدی مضامین شامل کیے ہیں ۔

.....مزید پڑھئے

مصنف: تعارف

اختر اورینوی اردو کے اہم افسانہ نگار، محقق، ناقد اور شاعر ہیں۔ وہ اردو کے ان افسانہ نگاروں میں شامل ہیں جنہوں نے بالکل ابتدائی دور میں اس صنف میں دلچسپی لی اور اس کے صحیح خدوخال واضح کرنے میں اہم کردار ادا کیا۔

اختر اورینوی 1911 کو اورین ضلع مونگیر میں پیدا ہوئے۔ ان کے والد کا نام سید وزارت حسین تھا۔ انگریزی میں بی اے کی ڈگری حاصل کی اور پھر اردو زبان وادب میں ایم اے و ڈی لٹ کی ڈگری حاصل کرنے کے بعد پٹنہ یونیورسٹی میں درس وتدریس کے فرائض انجام دئے۔ 30 مارچ 1977 کو وفات پائی۔

اختر اورینوی کی شخصیت خالص علمی ، ادبی اور تخلیقی تھی۔ انہوں اردو زبان وادب کی تاریخ بھی لکھی اور اقبال ونظیر کو بھی اپنے خاص مطالعے کا موضوع بنایا۔ ان کے کئی شعری اور افسانوی مجموعے بھی شائع ہوئے۔

.....مزید پڑھئے

by اختر اورینوی