ذاکر حسین صاحب نے اپنی زندگی کا ایک خاص مقصد متعین کیا تھا اور وہ تھاتعلیم کو عام کرنا اور عوام میں بیداری لانا ۔ اس کے لئے ادب طاقتور وسیلہ تھا جس کا استعمال آپ نے بڑی خوبی سے کیا ، مقدار کے اعتبا ر سے ذاکر حسین کی تحریریں بہت زیادہ نہیں ہیں مگر معیار کے اعتبار سے اپنا جواب نہیں رکھتی ہیں ۔ آپ کو ادب سے سچی محبت تھی خاص کر اردو ، فارسی ، انگریزی اور جرمن سے آپ کو خاص لگاؤ تھا ۔ ڈاکٹر صاحب کی پو ری زندگی سادگی خلوص ، صداقت ، شرافت خدمت محبت اور قربانی کے لئے وقف تھی،ذاکر حسین کے تعلیمی فلسفے کا ایک اہم جزیہ ہے کہ وہ فرد کی تعلیم کو تعلیم نہیں سمجھتے ان کے نزدیک اصلی اور ابتدائی چیزمعاشرہ ہے، ذاکرحسین کے تعلیمی نظریات کے اولین نقوش ہمیں ان کے تعلیمی خطبات میں ملتے ہیں جو مکتبہ جامعہ نے 1943ء میں شائع کئے تھے۔ ان خطبات کو کاشی ودیا پیٹھ کے جلسہ تقسیم اسناد میں پڑھا گیا یہ خطبہ ایک اہم اور یادگار خطبہ ہے۔ ذاکر حسین کے وہ خطبات جو تعلیم اور نظریہ تعلیم سے تعلق رکھتے ہیں،انہیں "تعلیمی خطبات"کے عنوان سے مکتبہ جامعہ،نئی دہلی نے شائع کیا ہے۔