aaj ik aur baras biit gayā us ke baġhair
jis ke hote hue hote the zamāne mere
مولوی محمد ذکا اللہ دہلوی اردو کے مشہور مورخ اور مترجم ہیں۔ان کا سب سے اہم کارنامہ "تاریخ ہندوستان " ہے جس کا شمار ہندوستان کی تاریخ کے موضوع پر مستند ترین سمجھی جانی والی کتابوں میں ہوتا ہے۔جس میں سلطنت اسلامیہ کے تاریخ کے ساتھ ہندوستانی تاریخ کی تفصیلات بیان کی ہیں۔ مصنف نے ہندوستان کی تاریخ کو بیان کرتے ہوئے ،وہاں پنپنے والی سلطنت اسلامیہ کی تاریخ ،تہذیب و ثقافت کو مستند بیانات اور شواہد کے ساتھ پیش کیا ہے۔اس طرح یہ کتاب ہندوستانی تاریخ کے ضمن میں سلطنت اسلامیہ کے بھی عروج و زوال کی ایک حقیقی دستاویز ہے۔ جس کے حقائق پر بھروسا کیا جا سکتا ہے۔ یہ کتاب دس جلدوں پر مشتمل ہے۔ زیر نظر جلد سوم ہے، جس کے تین حصے ہیں۔ پہلا حصہ بابر نامہ، جس میں خاندان تیموریہ کے نسب نامے، ان کے ہندوستان فتح کرنے کا احوال اور ظہیرالدین بابر کا بیان ہے۔ جبکہ دوسرا حصہ شگرف نامہ ہمایوں، جس میں بادشاہ ہمایوں کا روز ولادت سے ایران جانے تک کا حال بیان کیا گیا ہے۔ اور تیسرا حصہ رزنامہ شیر شاہی، جس میں شیر شاہ کا حال از اول تا انتہا اور خاندان سوری کے تمام بادشاہوں کے احوال کا بیان ہے۔ یہ کتاب ان لوگوں کے لئے ایک نایاب اور قیمتی تحفہ ہے جو ہندوستان کی تاریخ میں دلچسپی رکھتے ہیں۔
Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi
GET YOUR PASS