مائل خیر آبادی بچوں کے لئے اللہ کی عظمت و بڑائی پر اور ان کی اصلاحی اور ادبی گوشوں پرمتعدد کتابیں لکھ چکے ہیں ۔ زیر نظر کتاب انہوں نے خواتین کی اصلاح کے لئے لکھی ہیں۔ اس میں حضرت عائشہ کو خواتین عالم کے لئے نمونہ بنا کر پیش کیا گیا ہے۔ حضرت عائشہؓ کا مقام یہ ہے کہ وہ ام المومنین ہیں ،بنت الصدیق ہیں، نبی کی رازدار ہیں اور ان کی چہیتی ہیں۔ ظاہر ہے اتنے سارے مراتب ان کی عظمت بیان کرنے کے لئے کافی ہیں جبکہ ان میں دیگر بہت سی خصوصیات ہیں ۔ یہ کتاب ان کی زندگی پر روشنی ڈالتی ہے۔ اس میں حضور کی زندگی میں آنے سے پہلے، رسول پاک کی زندگی میں آنے کے بعد اور اس دوران اہم واقعات جیسے آیات تیمم کا نازل ہونا، ان پر تہمت اور اس کی تکذیب، محبت کی حدیں اور دیگر کئی اہم گوشے شامل کیے گئے ہیں۔ نبی ؐ کے بعد خلفاء کے دور میں آپ کا طریقۂ اصلاح جیسے اہم موضوعات کو لیا گیا ہے اور یہ بتایا گیا ہے کہ ام المومنین خواتین عالم کے لئے ایک عظیم نمونہ تھیں۔