اردو ناول کی تاریخ اور تنقید

علی عباس حسینی

ایجوکیشنل بک ہاؤس، علی گڑھ
1987 | مزید
  • معاون

    انجمن ترقی اردو (ہند)، دہلی

  • موضوعات

    ناول, نصابی کتاب

  • صفحات

    385

کتاب: تعارف

تعارف

اس کتاب میں ناول کی تاریخ اور اس کا پس منظر بیان کیا گیا ہے ۔ خاص طور پر انگریزی زبان کے ناول اور ان کے احوال کو بہت ہی تفصیل سے لکھا گیا ہے۔ جبکہ اردو کے ناول پر کم لکھا گیاہے کیونکہ اردو زبان میں ناول انگریزی زبان سے ہی منتقل ہوئی ہے اس لئے اگر منبع کی تلاش کرنا ہے تو جڑ پر گفتگو ضروری ہوتی ہے اسی لئے انگریزی کے ناولوں پر سیر حاصل بحث کی گئی ہے تاکہ ہم ناول کی تاریخ اس کے ابتدا اور ترقی و ترویج پر کچھ وثوق سے بول سکیں ۔ اس میں سب سے پہلے ناول کے ابتدا کے بارے میں پھر ناول کی تعریف ،انگریزی زبان کی وسعت ،اردو کے عناصر ترکیبی ، رتن ناتھ سرشار، عبد الحلیم ، سجاد حسین ، منشی پریم چند ، اور دیگر عنوانوں کے تحت اردو ناول کی تاریخ اور اس کے تنقیدی رجہان پر بحث کی گئی ہے ۔ اردو ناول کی تاریخ اور تنقیدی شعور کا مطالعہ کرنے والے اس کتاب کو ضرور پڑھنا پسند کرینگے ۔

.....مزید پڑھئے

مصنف: تعارف

علی عباس حسینی

علی عباس حسینی افسانہ نگار،نقاد اور ڈرامہ نویس کے طور جانے جاتے ہیں۔ ان کی پیدائش ۳ فروری ۱۸۹۷ کو موضع پارہ ضلع غازی پور میں ہوئی۔ مشن ہائی اسکول الہ آبادسے میٹرک اور انٹر میڈیٹ کیا۔کیننگ کالج لکھنؤ سے بی اے مکمل کرنے کے بعد الہ آباد یونیورسٹی سے تاریخ میں ایم اے کیا۔گورمنٹ  جوبلی کالج  لکھنؤ میں درس وتدریس سے وابستہ رہے۔یہیں سے ۱۹۵۴ میں پرنسپل کے عہدے سےسبکدوش ہوئے۔۲۷ ستمبر ۱۹۶۹ کو انتقال ہوا۔
علی عباس حسینی کو بچپن سے ہی قصے کہانیوں میں دلچسپی تھی۔ دس گیارہ برس کی عمر میں الف لیلی  کے قصے ،فردوسی کا شاہ نامہ، طلسم ہوش ربا اور اردو میں لکھے جانے والے دوسرے افسانوی ادب  کا مطالعہ کر چکےتھے۔  ۱۹۱۷ میں پہلا افسانہ ’غنچۂ ناشگفتہ‘ کے نام سے لکھا۔ اور ۱۹۲۰ میں ’سر سید احمد پاشا‘کے قلمی نام سے پہلا رومانوی ناول’قاف کی پری‘ لکھا۔’شاید کہ بہار آئی‘ ان کا دوسرا اور آخری نال ہے۔’رفیق تنہائی،باسی پھول،کانٹوں میں پھول،میلہ گھومنی،ندیا کنارے،آئی سی ایس اور دوسرے افسانے،یہ کچھ ہنسی نہیں ہے،الجھے دھاگے،ایک حمام میں، سیلاب کی راتیں، کے نام سے افسانوں کے مجموعے شائع ہوئے۔
’ایک ایکٹ کے ڈرامے‘ ان کے ڈراموں کا مجموعہ ہے۔ علی عباس حسینی کی ایک پہچان فکشن کے نقاد کے طور پر بھی قائم ہوئی۔ انہوں نے پہلی بار ناول کی تنقید و تاریخ پر ایک ایسی مفصل کتاب لکھی جو آج تک فکشن تنقید میں حوالے کی حیثیت رکھتی ہے۔ ’عروس ادب‘ کے نام سے ان کے تنقیدی مضامین کا مجموعہ شائع ہوا۔ 

.....مزید پڑھئے

مصنف کی مزید کتابیں

مزید

مقبول و معروف

مزید

کتابوں کی تلاش بہ اعتبار

کتابیں : بہ اعتبار موضوع

شاعری کی کتابیں

رسالے

کتاب فہرست

مصنفین کی فہرست

یونیورسٹی اردو نصاب