تصور زمان و مکان نہ صرف ایک مسئلہ ہے بلکہ یہ ایک بہت بڑا فلسفہ کیوں کہ اگر یہ بڑا اہم موضوع نہ ہوتا تو خدا قرآن میں زمان کو گالی دینے سے کیوں منع فرماتا اور کیوں کہا جاتا "لا تسبو الدہر" مسئلہ زمان سے متعلق مختلف اقوام میں مختلف نظریات پائے جاتے ہیں جن کو مصنف نے کتاب میں بیان کیا ہے۔ ویسے اگر زمان و مکان کا فلسفہ پر غور کیا جاتا ہے تو اس میں خدائی صفات کی بیشتر چیزیں پائی جاتی ہیں کیوں کہ زمان ہی وہ شئے ہے جو کل کائنات کو گھیرے ہوئے ہے اور جب کوئی نہیں تھا تو زمان تھا اور جب کوئی نہیں ہوگا تو بھی زمان ہی ہوگاوغیرہ۔" دی ہسٹری آف ٹائم" دنیا کی مشہور ترین فلسفہ زمان پر لکھی جانے والی کتاب ہے جو دنیا میں سب سے زیادہ خریدی جانے والی کتب میں سے ایک ہے۔ اس میں سٹیفن ہاکنگ نے اسی فلسفہ زمان کو سمجھانے کی کوشش کی ہےاور اس پر بہت ہی طویل بحث کرنے کے بعد اسے ہی سپر پاور قرار دیا ہے۔ اسی طرح علامہ اقبال کا نظریہ زمان بھی اسی طرف اشارہ کرتا ہے اور اقبال کے یہاں بھی خدا اور زمان میں کوئی فرق دکھائی نہیں دیتا۔ اس کتاب میں قدیم ہندوستانی عقیدہ زمانہ مکان، یہودی و عیسائی عقائد، اسلامک عقائد اور یونانی عقائد کو بہت ہی تفصیل سے بیان کیا گیا ہے۔