کتاب: تعارف
زیر نظر "اذان مجلس" عدیل زیدی کا نعت و منقبت، قطعات اور سلام کا مجموعہ ہے۔ یہ مجموعہ رثائی اور منقبتی ادب میں ایک اچھا اضافہ ہے، جس میں شعری جمالیات اور رویتی طرز احساس کے ساتھ جدید آہنگ نمایاں ہے۔ اس مجموعہ میں استادانہ مشاقی کے ساتھ شہدائے کربلا کے لئے عقیدت کے پھول نچھاور کئے گئے ہیں۔ اردو رسم الخط کے ساتھ رومن بھی متن دیا گیا ہے تاکہ استفادہ عام ہوسکے۔ مجموعہ کے شروع میں چند اہل فہم کی آرا ہیں، جن سے عدیل زیدی کی شاعری کو سمجھا جاسکتا ہے۔ کتاب کا ٹائٹل نہایت معنی خیز اور متن کی ایک طرح سے تصویری تشریح ہے جہاں ایک ظالم کے دربار کا نقشہ ہے، اور اہل بیت کو پابند سلاسل کر پیش کیا جا رہا ہے۔
رائے دیجیے
Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi
GET YOUR FREE PASS
