basti basti parbat parbat gata jae banjara

bastī bastī parbat parbat gaatā jaa.e banjārā

le kar dil kā ik taarā

pal-do-pal kā saath hamārā pal-do-pal kī yaarī

aaj ruke to kal karnī hai chalne kī tayyārī

qadam qadam par honī baiThī apnā jaal bichhā.e

is jīvan kī raah meñ jaane kaun kahāñ rah jaa.e

dhan daulat ke pīchhe kyuuñ hai ye duniyā dīvānī

yahāñ kī daulat yahīñ rahegī saath nahīñ ye jaanī

sone chāñdī meñ tultā ho jahāñ diloñ kā pyaar

aañsū bhī be-kār vahāñ par aaheñ bhī be-kār

duniyā ke bāzār meñ āḳhir chāhat bhī bevpār banī

mere dil se un ke dil tak chāñdī kī dīvār banī

ham jaisoñ ke bhaag meñ likkhā chāhat kā vardān nahīñ

jis ne ham ko janm diyā vo patthar hai bhagvān nahīñ

bastī bastī parbat parbat gaatā jaa.e banjāra

basti basti parbat parbat gata jae banjara

le kar dil ka ek tara

pal-do-pal ka sath hamara pal-do-pal ki yari

aaj ruke to kal karni hai chalne ki tayyari

qadam qadam par honi baiThi apna jal bichhae

is jiwan ki rah mein jaane kaun kahan rah jae

dhan daulat ke pichhe kyun hai ye duniya diwani

yahan ki daulat yahin rahegi sath nahin ye jaani

sone chandi mein tulta ho jahan dilon ka pyar

aansu bhi be-kar wahan par aahen bhi be-kar

duniya ke bazar mein aaKHir chahat bhi bewpar bani

mere dil se un ke dil tak chandi ki diwar bani

hum jaison ke bhag mein likkha chahat ka wardan nahin

jis ne hum ko janm diya wo patthar hai bhagwan nahin

basti basti parbat parbat gata jae banjara