jaane wo kaise log the jinko pyar se pyar mila

jaane vo kaise log the jin ko pyaar se pyaar milā

ham ne to jab kaliyāñ māñgīñ kāñToñ kā haar milā

ḳhushiyoñ kī manzil DhūñDī to ġham kī gard milī

chāhat ke naġhme chāhe to āh-e-sard milī

dil ke bojh ko duunā kar gayā jo ġham-ḳhvār milā

bichhaḌ gayā har sāthī de kar pal-do-pal kā saath

kis ko fursat hai jo thāme dīvānoñ kā haath

ham ko apnā saaya tak aksar bezār milā

is ko hī jiinā kahte haiñ to yuuñ hī jī leñge

uf na kareñge lab sī leñge aañsū pī leñge

ġham se ab ghabrānā kaisā ġham sau baar milā

jaane wo kaise log the jin ko pyar se pyar mila

hum ne to jab kaliyan mangin kanTon ka haar mila

KHushiyon ki manzil DhunDi to gham ki gard mili

chahat ke naghme chahe to aah-e-sard mili

dil ke bojh ko duna kar gaya jo gham-KHwar mila

bichhaD gaya har sathi de kar pal-do-pal ka sath

kis ko fursat hai jo thame diwanon ka hath

hum ko apna saya tak aksar bezar mila

is ko hi jina kahte hain to yun hi ji lenge

uf na karenge lab si lenge aansu pi lenge

gham se ab ghabrana kaisa gham sau bar mila