aaj ki raat bhi guzri hai meri kal ki tarah
aaj kī raat bhī guzrī hai mirī kal kī tarah
haath aa.e na sitāre tire āñchal kī tarah
hādsa koī to guzrā hai yaqīnan yaaro
ek sannāTā hai mujh meñ kisī maqtal kī tarah
phir na niklā koī ghar se ki havā phirtī thī
sañg hāthoñ meñ uThā.e kisī pāgal kī tarah
tū ki dariyā hai magar merī tarah pyāsā hai
maiñ tere paas chalā ā.ūñgā bādal kī tarah
raat jaltī huī ik aisī chitā hai jis par
terī yādeñ haiñ sulagte hue sandal kī tarah
maiñ huuñ ik ḳhvāb magar jāgtī āñkhoñ kā 'amīr'
aaj bhī log gañvā deñ na mujhe kal kī tarah
aaj ki raat bhi guzri hai meri kal ki tarah
hath aae na sitare tere aanchal ki tarah
hadsa koi to guzra hai yaqinan yaro
ek sannaTa hai mujh mein kisi maqtal ki tarah
phir na nikla koi ghar se ki hawa phirti thi
sang hathon mein uThae kisi pagal ki tarah
tu ki dariya hai magar meri tarah pyasa hai
main tere pas chala aaunga baadal ki tarah
raat jalti hui ek aisi chita hai jis par
teri yaaden hain sulagte hue sandal ki tarah
main hun ek KHwab magar jagti aankhon ka 'amir'
aaj bhi log ganwa den na mujhe kal ki tarah
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
