tujhe kya KHabar mere ham-safar mera marhala koi aur hai

Darshan Singh

tujhe kya KHabar mere ham-safar mera marhala koi aur hai

Darshan Singh

MORE BYDarshan Singh

    tujhe kyā ḳhabar mire ham-safar mirā marhala koī aur hai

    mujhe manziloñ se gurez hai merā rāsta koī aur hai

    merī chāhatoñ ko na pūchhiye jo milā talab se sivā milā

    mirī dāstāñ ajiib hai mirā mas.ala koī aur hai

    ye havas ke bande haiñ nāsehā na samajh sake mirā mudda.ā

    mujhe pyaar hai kisī aur se mirā dil-rubā koī aur hai

    mirā zauq-e-sajda hai zāhirī ki hai kashmakash mirī zindagī

    ye gumān dil meñ rahā sadā mirā mudda.ā koī aur hai

    vo rahīm hai vo karīm hai vo nahīñ ki zulm kare sadā

    hai yaqīñ zamāne ko dekh kar ki yahāñ ḳhudā koī aur hai

    maiñ chalā kahāñ se ḳhabar nahīñ ki safar meñ hai mirī zindagī

    mirī ibtidā kahīñ aur hai mirī intihā koī aur hai

    mirā naam 'darshan'-e-ḳhasta-tan mire dil meñ koī hai zau-fagan

    maiñ huuñ gum kisī talāsh meñ mujhe DhūñDhtā koī aur hai

    tujhe kya KHabar mere ham-safar mera marhala koi aur hai

    mujhe manzilon se gurez hai mera rasta koi aur hai

    meri chahaton ko na puchhiye jo mila talab se siwa mila

    meri dastan hi ajib hai mera masala koi aur hai

    ye hawas ke bande hain naseha na samajh sake mera muddaa

    mujhe pyar hai kisi aur se mera dil-ruba koi aur hai

    mera zauq-e-sajda hai zahiri ki hai kashmakash meri zindagi

    ye guman dil mein raha sada mera muddaa koi aur hai

    wo rahim hai wo karim hai wo nahin ki zulm kare sada

    hai yaqin zamane ko dekh kar ki yahan KHuda koi aur hai

    main chala kahan se KHabar nahin ki safar mein hai meri zindagi

    meri ibtida kahin aur hai meri intiha koi aur hai

    mera nam 'darshan'-e-KHasta-tan mere dil mein koi hai zau-fagan

    main hun gum kisi ki talash mein mujhe DhunDhta koi aur hai

    Videos
    This video is playing from YouTube

    Videos
    This video is playing from YouTube

    Ghulam Ali

    Ghulam Ali

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY