apne ehsas se chhu kar mujhe sandal kar do

Wasi Shah

apne ehsas se chhu kar mujhe sandal kar do

Wasi Shah

MORE BY Wasi Shah

    apne ehsās se chhū kar mujhe sandal kar do

    maiñ ki sadiyoñ se adhūrā huuñ mukammal kar do

    na tumheñ hosh rahe aur na mujhe hosh rahe

    is qadar TuuT ke chāho mujhe pāgal kar do

    tum hathelī ko mire pyaar mehñdī se rañgo

    apnī āñkhoñ meñ mire naam kājal kar do

    is ke saa.e meñ mire ḳhvāb dahak uTTheñge

    mere chehre pe chamaktā huā āñchal kar do

    dhuup dhuup huuñ maiñ TuuT ke barso mujh par

    is qadar barso mirī ruuh meñ jal-thal kar do

    jaise sahrāoñ meñ har shaam havā chaltī hai

    is tarah mujh meñ chalo aur mujhe jal-thal kar do

    tum chhupā lo mirā dil oT meñ apne dil

    aur mujhe merī nigāhoñ se bhī ojhal kar do

    mas.ala huuñ to nigāheñ na churāo mujh se

    apnī chāhat se tavajjoh se mujhe hal kar do

    apne ġham se kaho har vaqt mire saath rahe

    ek ehsān karo is ko musalsal kar do

    mujh pe chhā jaao kisī aag sūrat jānāñ

    aur mirī zaat ko sūkhā huā jañgal kar do

    apne ehsas se chhu kar mujhe sandal kar do

    main ki sadiyon se adhura hun mukammal kar do

    na tumhein hosh rahe aur na mujhe hosh rahe

    is qadar TuT ke chaho mujhe pagal kar do

    tum hatheli ko mere pyar ki mehndi se rango

    apni aankhon mein mere nam ka kajal kar do

    is ke sae mein mere KHwab dahak uTThenge

    mere chehre pe chamakta hua aanchal kar do

    dhup hi dhup hun main TuT ke barso mujh par

    is qadar barso meri ruh mein jal-thal kar do

    jaise sahraon mein har sham hawa chalti hai

    is tarah mujh mein chalo aur mujhe jal-thal kar do

    tum chhupa lo mera dil oT mein apne dil ki

    aur mujhe meri nigahon se bhi ojhal kar do

    masala hun to nigahen na churao mujh se

    apni chahat se tawajjoh se mujhe hal kar do

    apne gham se kaho har waqt mere sath rahe

    ek ehsan karo is ko musalsal kar do

    mujh pe chha jao kisi aag ki surat jaanan

    aur meri zat ko sukha hua jangal kar do

    RECITATIONS

    Wasi Shah

    Wasi Shah

    Wasi Shah

    Apne ehsas se chhu kar mujhe sandal kar do Wasi Shah

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY