aa gae kaise ajab din raushni ke
aa ga.e kaise 'ajab din raushnī ke
haiñ charāġh-e-rāh ḳhādim tīrgī ke
chaal us kī jab kabhī maiñ bhāñp paayā
paiñtare fauran hī badle zindagī ke
mil nahīñ sakte haiñ phir bhī saath yuuñ haiñ
do kināre ham hoñ jaise ik nadī ke
har galī ḳhūn-e-jigar Tapkā rahe ho
kaun se ye haiñ tarīqe rahbarī ke
ab nahīñ 'afshār' ko Dar dushmanī kā
jab se aslī rang dekhe dostī ke
aa gae kaise 'ajab din raushni ke
hain charagh-e-rah KHadim tirgi ke
chaal us ki jab kabhi main bhanp paya
paintare fauran hi badle zindagi ke
mil nahin sakte hain phir bhi sath yun hain
do kinare hum hon jaise ek nadi ke
har gali KHun-e-jigar Tapka rahe ho
kaun se ye hain tariqe rahbari ke
ab nahin 'afshaar' ko Dar dushmani ka
jab se asli rang dekhe dosti ke
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
