aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aa gaya phir ramazan kya hoga

Nazm Tabatabai

aa gaya phir ramazan kya hoga

Nazm Tabatabai

MORE BYNazm Tabatabai

    aa gayā phir ramazāñ kyā hogā

    haa.e ai pīr-e-muġhāñ kyā hogā

    bāġh-e-jannat meñ samāñ kyā hogā

    nahīñ jab to vahāñ kyā hogā

    ḳhush vo hotā hai mire nāloñ se

    aur andāz-e-fuġhāñ kyā hogā

    duur raah hai sāmāñ haiñ baḌe

    itnī mohlat hai kahāñ kyā hogā

    dekh lo rañg-e-parīdañ ko mire

    dil jalegā to dhuāñ kyā hogā

    hogā bas ek nigah meñ jo tamām

    vo ba-hasrat nigarāñ kyā hogā

    ham ne maanā ki milā mulk-e-jahāñ

    na rahe ham to jahāñ kyā hogā

    mar ke jab ḳhaak meñ milnā Thahrā

    phir ye turbat nishāñ kyā hogā

    jis tarah dil huā TukḌe az-ḳhud

    chaak is tarah katāñ kyā hogā

    tirā zikr hai naam tirā

    aur phir vird-e-zabāñ kyā hogā

    ishq se baaz na aanā 'haidar'

    raaz hone de ayaañ kyā hogā

    aa gaya phir ramazan kya hoga

    hae ai pir-e-mughan kya hoga

    bagh-e-jannat mein saman kya hoga

    tu nahin jab to wahan kya hoga

    KHush wo hota hai mere nalon se

    aur andaz-e-fughan kya hoga

    dur ki rah hai saman hain baDe

    itni mohlat hai kahan kya hoga

    dekh lo rang-e-paridan ko mere

    dil jalega to dhuan kya hoga

    hoga bas ek nigah mein jo tamam

    wo ba-hasrat nigaran kya hoga

    hum ne mana ki mila mulk-e-jahan

    na rahe hum to jahan kya hoga

    mar ke jab KHak mein milna Thahra

    phir ye turbat ka nishan kya hoga

    jis tarah dil hua TukDe az-KHud

    chaak is tarah katan kya hoga

    ya tera zikr hai ya nam tera

    aur phir wird-e-zaban kya hoga

    ishq se baz na aana 'haidar'

    raaz hone de ayan kya hoga

    Source:

    Deewan-e-Tabatabai (Rekhta Website) (Pg. 49)

    • Author: Nazm Tabatabai
      • Edition: 1933
      • Publisher: Maktaba Ibrahimiya, Hyderabad
      • Year of Publication: 1933
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now