aaega kah kar gaya tha phir magar aaya nahin

aa.egā kah kar gayā thā phir magar aayā nahīñ

muntazir maiñ rah gayā vo lauT kar aayā nahīñ

ik nazar aayā nazar vo phir nazar se chhup gayā

phir nazar ko ik nazar bhī vo nazar aayā nahīñ

zindagī ke rāste par tai kiyā lambā safar

par safar meñ zindagī ke ham-safar aayā nahīñ

ek Dar aksar Darātā hai mujhe bhī aaj tak

aaj tak kyoñ dil meñ mere koī Dar aayā nahīñ

vo asar jis ke asar pe har asar ho be asar

ab talak terī ġhazal meñ vo asar aayā nahīñ

ye jo har sū tīrgī bikhrī huī hai is qadar

kyā tirī mahfil meñ ab tak 'bhāskar' aayā nahīñ

aaega kah kar gaya tha phir magar aaya nahin

muntazir main rah gaya wo lauT kar aaya nahin

ek nazar aaya nazar wo phir nazar se chhup gaya

phir nazar ko ek nazar bhi wo nazar aaya nahin

zindagi ke raste par tai kiya lamba safar

par safar mein zindagi ke ham-safar aaya nahin

ek Dar aksar Daraata hai mujhe bhi aaj tak

aaj tak kyon dil mein mere koi Dar aaya nahin

wo asar jis ke asar pe har asar ho be asar

ab talak teri ghazal mein wo asar aaya nahin

ye jo har su tirgi bikhri hui hai is qadar

kya teri mahfil mein ab tak 'bhaskar' aaya nahin