aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aage harim-e-gham se koi rasta na tha

Ada Jafarey

aage harim-e-gham se koi rasta na tha

Ada Jafarey

MORE BYAda Jafarey

    aage harīm-e-ġham se koī rāsta na thā

    achchhā huā ki saath kisī ko liyā na thā

    dāmān-e-chāk chaak guloñ ko bahāna thā

    dil jo rañg thā vo nazar se chhupā na thā

    rañg-e-shafaq dhuup khilī thī qadam qadam

    maqtal meñ sub.h-o-shām manzar judā na thā

    kyā bojh thā ki jis ko uThā.e hue the log

    muḌ kar kisī samt koī dekhtā na thā

    kuchh itnī raushnī meñ the chehroñ ke aa.ine

    dil us ko DhūñDhtā thā jise jāntā na thā

    kuchh log sharmsār ḳhudā jaane kyuuñ hue

    apne sivā hameñ to kisī se gilā na thā

    har ik qadam uThā thā na.e mausamoñ ke saath

    vo jo sanam tarāsh thā but pūjtā na thā

    jis dar se dil ko zauq-e-ibādat atā huā

    us āstān-e-shauq pe sajda ravā na thā

    āñdhī meñ barg-e-gul zabāñ se adā huā

    vo raaz jo kisī se abhī tak kahā na thā

    aage harim-e-gham se koi rasta na tha

    achchha hua ki sath kisi ko liya na tha

    daman-e-chaak chaak gulon ko bahana tha

    dil ka jo rang tha wo nazar se chhupa na tha

    rang-e-shafaq ki dhup khili thi qadam qadam

    maqtal mein subh-o-sham ka manzar juda na tha

    kya bojh tha ki jis ko uThae hue the log

    muD kar kisi ki samt koi dekhta na tha

    kuchh itni raushni mein the chehron ke aaine

    dil us ko DhunDhta tha jise jaanta na tha

    kuchh log sharmsar KHuda jaane kyun hue

    apne siwa hamein to kisi se gila na tha

    har ek qadam uTha tha nae mausamon ke sath

    wo jo sanam tarash tha but pujta na tha

    jis dar se dil ko zauq-e-ibaadat ata hua

    us aastan-e-shauq pe sajda rawa na tha

    aandhi mein barg-e-gul ki zaban se ada hua

    wo raaz jo kisi se abhi tak kaha na tha

    Source:

    Gazalan Tum to waqif ho (Pg. 25)

    • Author: Ada Jafri
      • Edition: 1982
      • Publisher: Galib Publishers, Lahore
      • Year of Publication: 1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now