aage kya tum sa jahan mein koi mahbub na tha
aage kya tum sa jahan mein koi mahbub na tha
Shaikh Zahuruddin Hatim
MORE BYShaikh Zahuruddin Hatim
aage kyā tum sā jahāñ meñ koī mahbūb na thā
kyā tumhīñ ḳhuub bane aur koī ḳhuub na thā
in dinoñ ham se jo vahshī kī tarah bhaḌko ho
ye to milne kā tumhāre kabhū uslūb na thā
nāma-bar dil kī tasallī ke liye bhejūñ huuñ
varna ahvāl mirā qābil-e-maktūb na thā
tāqat ab taaq huī sabr-o-shakebā.ī kī
kab talak sabr kare dil mirā ayyūb na thā
ġhalba-e-ishq ne 'hātim' ko pachhāḌā āḳhir
zor meñ apne vo itnā bhī to maġhlūb na thā
aage kya tum sa jahan mein koi mahbub na tha
kya tumhin KHub bane aur koi KHub na tha
in dinon hum se jo wahshi ki tarah bhaDko ho
ye to milne ka tumhaare kabhu uslub na tha
nama-bar dil ki tasalli ke liye bhejun hun
warna ahwal mera qabil-e-maktub na tha
taqat ab taq hui sabr-o-shakebai ki
kab talak sabr kare dil mera ayyub na tha
ghalba-e-ishq ne 'hatim' ko pachhaDa aaKHir
zor mein apne wo itna bhi to maghlub na tha
Source:
Diwan Zadah (Pg. 126)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
