aah bargah-e-husn mein jalwon ka asar dekh

aah bārgah-e-husn meñ jalvoñ kā asar dekh

had se na guzar zabt meñ ai zabt-e-nazar dekh

mat pūchh ki kyā guzrī dil-sho.ala-sifat par

is dast-e-hinā.ī meñ mirā dāman-e-tar dekh

tū us kā tamannā.ī hai mat Dar dil-e-nādāñ

ummīd nahīñ phir bhī vo kahtā hai to mar dekh

ye shahr hai yā ḳhema hai dushman kā sipah kā

āvāz ke zaḳhmoñ se lahū hai mirā sar dekh

kyuuñ bahr-e-ḳhamoshī meñ hai tū misl-e-sadā tañg

hasrat koī baaqī hai to ik baar ubhar dekh

shāyad tire hisse meñ ho motī kā muqaddar

ai qatra-e-jāñ aaj samundar meñ utar dekh

kyuuñ paañv pasāre tū paḌā hai sar-e-rāhe

kyā saḳht safar hai zarā saa.e se idhar dekh

shāyad ho idhar 'arsh' koī chashma-e-haivāñ

ik baar tū hastī ke bayābāñ se guzar dekh

aah bargah-e-husn mein jalwon ka asar dekh

had se na guzar zabt mein ai zabt-e-nazar dekh

mat puchh ki kya guzri dil-shoala-sifat par

is dast-e-hinai mein mera daman-e-tar dekh

tu us ka tamannai hai mat Dar dil-e-nadan

ummid nahin phir bhi wo kahta hai to mar dekh

ye shahr hai ya KHema hai dushman ka sipah ka

aawaz ke zaKHmon se lahu hai mera sar dekh

kyun bahr-e-KHamoshi mein hai tu misl-e-sada tang

hasrat koi baqi hai to ek bar ubhar dekh

shayad tere hisse mein ho moti ka muqaddar

ai qatra-e-jaan aaj samundar mein utar dekh

kyun panw pasare tu paDa hai sar-e-rahe

kya saKHt safar hai zara sae se idhar dekh

shayad ho idhar 'arsh' koi chashma-e-haiwan

ek bar tu hasti ke bayaban se guzar dekh