aah-o-nala ne kuchh asar na kiya

āh-o-nāla ne kuchh asar na kiyā

hijr kī shaam ko sahar na kiyā

talḳhī-e-sabr ḳhush-gavār huī

zahr ne bhī mujhe asar na kiyā

sar ko phoḌā jo kohkan ne to kyā

ishq meñ kis ne nazr-e-sar na kiyā

kaun sī aisī aafat aa.ī jab

āsmāñ ne mujhe sipar na kiyā

kāñptā hai vo dil ġhazab se tire

jis ne ai but ḳhudā kā Dar na kiyā

jis ne dekhā vo ro.e ātishnāk

phir gumāñ use ne barq par na kiyā

kuuch apnā bhī ho gayā 'ahqar'

ġham-o-andoh ne safar na kiyā

aah-o-nala ne kuchh asar na kiya

hijr ki sham ko sahar na kiya

talKHi-e-sabr KHush-gawar hui

zahr ne bhi mujhe asar na kiya

sar ko phoDa jo kohkan ne to kya

ishq mein kis ne nazr-e-sar na kiya

kaun si aisi aafat aai jab

aasman ne mujhe sipar na kiya

kanpta hai wo dil ghazab se tere

jis ne ai but KHuda ka Dar na kiya

jis ne dekha wo roe aatishnak

phir guman use ne barq par na kiya

kuch apna bhi ho gaya 'ahqar'

gham-o-andoh ne safar na kiya