aai to kahin koi qayamat nahin ab ke

aa.ī to kahīñ koī qayāmat nahīñ ab ke

is shahr meñ ik sar bhī salāmat nahīñ ab ke

yuuñ ḳhema-e-gul ḳhaak huā fasl-e-junūñ meñ

phūloñ pe koī rañg-e-malāhat nahīñ ab ke

kyā jāniye kis dasht kā paivand huā hai

ik shaḳhs sar-e-kū-e-malāmat nahīñ ab ke

ab TuuT ke sahrā meñ bikharne kī havas hai

ik gosha-e-dāman pe qanā'at nahīñ ab ke

haañ ab na rahī dār-o-rasan se koī nisbat

haañ pesh-e-nazar vo qad-o-qāmat nahīñ ab ke

vo zaḳhm mile dil ko sar-e-manzil-e-qurbat

ik dushman-e-jāñ se bhī shikāyat nahīñ ab ke

ḳhud us ne kiyā faisla-e-tark-e-ta.alluq

ḳhud mujh se mire dil ko nadāmat nahīñ ab ke

aai to kahin koi qayamat nahin ab ke

is shahr mein ek sar bhi salamat nahin ab ke

yun KHema-e-gul KHak hua fasl-e-junun mein

phulon pe koi rang-e-malahat nahin ab ke

kya jaaniye kis dasht ka paiwand hua hai

ek shaKHs sar-e-ku-e-malamat nahin ab ke

ab TuT ke sahra mein bikharne ki hawas hai

ek gosha-e-daman pe qana'at nahin ab ke

han ab na rahi dar-o-rasan se koi nisbat

han pesh-e-nazar wo qad-o-qamat nahin ab ke

wo zaKHm mile dil ko sar-e-manzil-e-qurbat

ek dushman-e-jaan se bhi shikayat nahin ab ke

KHud us ne kiya faisla-e-tark-e-talluq

KHud mujh se mere dil ko nadamat nahin ab ke