aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aaine ka sath pyara tha kabhi

Shariq Kaifi

aaine ka sath pyara tha kabhi

Shariq Kaifi

MORE BYShariq Kaifi

    aa.ine saath pyārā thā kabhī

    ek chehre par guzārā thā kabhī

    aaj sab kahte haiñ jis ko nāḳhudā

    ham ne us ko paar utārā thā kabhī

    ye mire ghar fazā ko kyā huā

    kab yahāñ merā tumhārā thā kabhī

    thā magar sab kuchh na thā dariyā ke paar

    is kināre bhī kinārā thā kabhī

    kaise TukḌoñ meñ use kar luuñ qubūl

    jo mirā saare saarā thā kabhī

    aaj kitne ġham haiñ rone ke liye

    ik tire dukh sahārā thā kabhī

    justujū itnī bhī be-mā'nī na thī

    manziloñ ne bhī pukārā thā kabhī

    ye na.e gumrāh kyā jāneñ mujhe

    maiñ safar isti.āra thā kabhī

    ishq ke qisse na chheḌo dosto

    maiñ isī maidāñ meñ haarā thā kabhī

    aaine ka sath pyara tha kabhi

    ek chehre par guzara tha kabhi

    aaj sab kahte hain jis ko naKHuda

    hum ne us ko par utara tha kabhi

    ye mere ghar ki faza ko kya hua

    kab yahan mera tumhaara tha kabhi

    tha magar sab kuchh na tha dariya ke par

    is kinare bhi kinara tha kabhi

    kaise TukDon mein use kar lun qubul

    jo mera sare ka sara tha kabhi

    aaj kitne gham hain rone ke liye

    ek tere dukh ka sahaara tha kabhi

    justuju itni bhi be-ma'ni na thi

    manzilon ne bhi pukara tha kabhi

    ye nae gumrah kya jaanen mujhe

    main safar ka istiara tha kabhi

    ishq ke qisse na chheDo dosto

    main isi maidan mein haara tha kabhi

    Source:

    Khidki To Main Ne Khol Hi Li (Pg. 66)

    • Author: Shariq Kaifi
      • Edition: 3rd
      • Publisher: Rekhta Publications
      • Year of Publication: 2022
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now