aaj kya dekha KHalaon ke sunahre KHwab mein

aaj kyā dekhā ḳhalāoñ ke sunahre ḳhvāb meñ

regzāroñ ke sivā kuchh bhī nahīñ mahtāb meñ

jab se pahnā hai na.e mausam ne zaḳhmoñ kā libās

phuul se khilne lage haiñ dīda-e-ḳhūñ-nāb meñ

nisf shab ko niiñd meñ chaltā huā paikar koī

naqsh-e-pā kyuuñ chhoḌ jaatā hai dayār-e-ḳhvāb meñ

vo to ḳhud apne tajassus meñ bhaTak kar rah ga.e

tazkira thā jin kī azmat kā bahut ahbāb meñ

chheḌtā hai sāz-e-shab ko yuuñ samundar kā sukūt

Duub jaatī hai fazā sañgīt ke sailāb meñ

aaj kya dekha KHalaon ke sunahre KHwab mein

regzaron ke siwa kuchh bhi nahin mahtab mein

jab se pahna hai nae mausam ne zaKHmon ka libas

phul se khilne lage hain dida-e-KHun-nab mein

nisf shab ko nind mein chalta hua paikar koi

naqsh-e-pa kyun chhoD jata hai dayar-e-KHwab mein

wo to KHud apne tajassus mein bhaTak kar rah gae

tazkira tha jin ki azmat ka bahut ahbab mein

chheDta hai saz-e-shab ko yun samundar ka sukut

Dub jati hai faza sangit ke sailab mein