aaj to rone ko ji ho jaise

aaj to rone ko jī ho jaise

phir koī aas bañdhī ho jaise

shahr meñ phirtā huuñ tanhā tanhā

āshnā ek vahī ho jaise

har zamāne kī sadā-e-ma.atūb

mere siine se uThī ho jaise

ḳhush hue tark-e-vafā kar ke ham

ab muqaddar bhī yahī ho jaise

is tarah shab ga.e TuuTī hai umiid

koī dīvār girī ho jaise

yās-ālūd hai ek ek ghaḌī

zard phūloñ kī laḌī ho jaise

maiñ huuñ aur vāda-e-fardā terā

aur ik umr paḌī ho jaise

be-kashish hai vo nigāh-e-sad-lutf

ik mohabbat kī kamī ho jaise

kyā ajab lamha-e-ġham guzrā hai

umr ik biit ga.ī ho jaise

aaj to rone ko ji ho jaise

phir koi aas bandhi ho jaise

shahr mein phirta hun tanha tanha

aashna ek wahi ho jaise

har zamane ki sada-e-matub

mere sine se uThi ho jaise

KHush hue tark-e-wafa kar ke hum

ab muqaddar bhi yahi ho jaise

is tarah shab gae TuTi hai umid

koi diwar giri ho jaise

yas-alud hai ek ek ghaDi

zard phulon ki laDi ho jaise

main hun aur wada-e-farda tera

aur ek umr paDi ho jaise

be-kashish hai wo nigah-e-sad-lutf

ek mohabbat ki kami ho jaise

kya ajab lamha-e-gham guzra hai

umr ek bit gai ho jaise