aalam jiwan khel-tamasha danai nadani hai
'ālam' jīvan khel-tamāsha dānā.ī nādānī hai
tab tak zinda rahte haiñ ham jab tak ik hairānī hai
aag havā aur miTTī paanī mil kar kaise rahte haiñ
dekh ke ḳhud ko hairāñ huuñ maiñ jaise ḳhvāb kahānī hai
āvāzoñ kā jañgal bhī hai sannāToñ kā sahrā bhī
ek taraf ābādī mujh meñ ek taraf vīrānī hai
is manzar ko āḳhir kyuuñ maiñ pahroñ taktā rahtā huuñ
uupar sākit chaTTāneñ haiñ tah meñ bahtā paanī hai
mere bachcho is ḳhitte meñ pyaar kī gañgā bahtī thī
dekho is tasvīr ko dekho ye tasvīr purānī hai
'ālam' mujh ko bīmārī hai niiñd meñ chalte rahne kī
rātoñ meñ bhī kab ruktā hai mujh meñ jo sailānī hai
'alam' jiwan khel-tamasha danai nadani hai
tab tak zinda rahte hain hum jab tak ek hairani hai
aag hawa aur miTTi pani mil kar kaise rahte hain
dekh ke KHud ko hairan hun main jaise KHwab kahani hai
aawazon ka jangal bhi hai sannaTon ka sahra bhi
ek taraf aabaadi mujh mein ek taraf virani hai
is manzar ko aaKHir kyun main pahron takta rahta hun
upar sakit chaTTanen hain tah mein bahta pani hai
mere bachcho is KHitte mein pyar ki ganga bahti thi
dekho is taswir ko dekho ye taswir purani hai
'alam' mujh ko bimari hai nind mein chalte rahne ki
raaton mein bhi kab rukta hai mujh mein jo sailani hai
Source:
Khayalabad (Pg. 27)
- Author: Alam khursheed
-
- Edition: 2003
- Publisher: Alam khursheed
- Year of Publication: 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
