aamad tasawwur-e-but-e-bedad-gar ki hai

aamad tasavvur-e-but-e-bedād-gar kī hai

dil kī bhī luuT ḳhāna-ḳharābī jigar kī hai

taqdīr kī kajī ho ki TeḌhā ho āsmāñ

ye sab ināyat aap kī tirchhī nazar kī hai

ik baar tiir maar ke ab tak ḳhabar na lī

yārab nigāh-e-mast ye kis be-ḳhabar kī hai

ye rañg-o-bū kahāñ gul-e-tar ko nasīb thā

utrī huī qabā kisī rashk-e-qamar kī hai

phir bhī kabhī nigāh-e-karam hogī is taraf

ummīd aaj tak usī pahlī nazar kī hai

aamad tasawwur-e-but-e-bedad-gar ki hai

dil ki bhi luT KHana-KHarabi jigar ki hai

taqdir ki kaji ho ki TeDha ho aasman

ye sab inayat aap ki tirchhi nazar ki hai

ek bar tir mar ke ab tak KHabar na li

yarab nigah-e-mast ye kis be-KHabar ki hai

ye rang-o-bu kahan gul-e-tar ko nasib tha

utri hui qaba kisi rashk-e-qamar ki hai

phir bhi kabhi nigah-e-karam hogi is taraf

ummid aaj tak usi pahli nazar ki hai