aankh mein jalwa tera dil mein teri yaad rahe

Wahshat Raza Ali Kalkatvi

aankh mein jalwa tera dil mein teri yaad rahe

Wahshat Raza Ali Kalkatvi

MORE BY Wahshat Raza Ali Kalkatvi

    aañkh meñ jalva tirā dil meñ tirī yaad rahe

    ye mayassar ho to phir kyuuñ koī nāshād rahe

    is zamāne meñ ḳhamoshī se nikaltā nahīñ kaam

    naala pur-shor ho aur zoroñ pe fariyād rahe

    dard kuchh to ho ehsās dil-e-insāñ meñ

    saḳht nāshād hai daa.im jo yahāñ shaad rahe

    ai tire dām-e-mohabbat ke dil o jaañ sadqe

    shukr hai qaid-e-alā.iq se ham āzād rahe

    naala aisā ho ki ho us pe gumān-e-naġhma

    rahe is tarah agar shikva-e-bedād rahe

    har taraf daam bichhā.e haiñ havas ne kyā kyā

    kyā ye mumkin hai yahāñ koī dil āzād rahe

    jab ye aalam ho ki mañDlātī ho har samt ko barq

    kyuuñ koī nauhagar-e-ḳhirman-e-barbād rahe

    ab tasavvur meñ kahāñ shakl-e-tamannā 'vahshat'

    jis ko muddat se na dekhā ho vo kyā yaad rahe

    aankh mein jalwa tera dil mein teri yaad rahe

    ye mayassar ho to phir kyun koi nashad rahe

    is zamane mein KHamoshi se nikalta nahin kaam

    nala pur-shor ho aur zoron pe fariyaad rahe

    dard ka kuchh to ho ehsas dil-e-insan mein

    saKHt nashad hai daim jo yahan shad rahe

    ai tere dam-e-mohabbat ke dil o jaan sadqe

    shukr hai qaid-e-alaiq se hum aazad rahe

    nala aisa ho ki ho us pe guman-e-naghma

    rahe is tarah agar shikwa-e-bedad rahe

    har taraf dam bichhae hain hawas ne kya kya

    kya ye mumkin hai yahan koi dil aazad rahe

    jab ye aalam ho ki manDlati ho har samt ko barq

    kyun koi nauhagar-e-KHirman-e-barbaad rahe

    ab tasawwur mein kahan shakl-e-tamanna 'wahshat'

    jis ko muddat se na dekha ho wo kya yaad rahe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites