aankh par eatibar ho jae

aañkh par e.atibār ho jaa.e

dil ko gar tum se pyaar ho jaa.e

maut bā-e'tibār ho jaa.e

zindagī sharh-dar ho jaa.e

tum ko mil jā.egā sukūñ shāyad

dil agar be-qarār ho jaa.e

hārne vaale hai duā merī

merī har jiit haar ho jaa.e

maut is ko na kyuuñ gavārā ho

zindagī jis pe baar ho jaa.e

jis ko nisbat tumhāre naam se ho

vo ġhazal pur-vaqār ho jaa.e

terī nazroñ se jab gire 'tarzī'

apnī nazroñ meñ ḳhaar ho jaa.e

aankh par eatibar ho jae

dil ko gar tum se pyar ho jae

maut ba-e'tibar ho jae

zindagi sharh-dar ho jae

tum ko mil jaega sukun shayad

dil agar be-qarar ho jae

haarne wale hai dua meri

meri har jit haar ho jae

maut is ko na kyun gawara ho

zindagi jis pe bar ho jae

jis ko nisbat tumhaare nam se ho

wo ghazal pur-waqar ho jae

teri nazron se jab gire 'tarzi'

apni nazron mein KHar ho jae