aankh par ret mal rahe hain hum

aañkh par ret mal rahe haiñ ham

so zamīñ ko bhī khal rahe haiñ ham

ham ko mālūm be-ḳhudī apnī

phir bhī sahrā meñ chal rahe haiñ ham

vāste de rahā hai sahrā bhī

ḳhāmushī ko nigal rahe haiñ ham

zard patte sadā.eñ dete haiñ

in ko pal pal kuchal rahe haiñ ham

'mīr' kī kyā ġhazal sunī ham ne

āshiqī meñ bhī jal rahe haiñ ham

jab se dekhā hai bānu-e-shab ko

dil hī dil meñ machal rahe haiñ ham

be-sabab kyuuñ hañsī satātī hai

āñsuoñ se bahal rahe haiñ ham

aañkh manzar badaltī rahtī hai

shaam ke saath Dhal rahe haiñ ham

aankh par ret mal rahe hain hum

so zamin ko bhi khal rahe hain hum

hum ko malum be-KHudi apni

phir bhi sahra mein chal rahe hain hum

waste de raha hai sahra bhi

KHamushi ko nigal rahe hain hum

zard patte sadaen dete hain

in ko pal pal kuchal rahe hain hum

'mir' ki kya ghazal suni hum ne

aashiqi mein bhi jal rahe hain hum

jab se dekha hai banu-e-shab ko

dil hi dil mein machal rahe hain hum

be-sabab kyun hansi satati hai

aansuon se bahal rahe hain hum

aankh manzar badalti rahti hai

sham ke sath Dhal rahe hain hum