aankh pe paTTi bandh ke mujhko tanha chhoD diya hai
aañkh pe paTTī bāñdh ke mujh ko tanhā chhoḌ diyā hai
ye kis ne sahrā meñ lā kar sahrā chhoḌ diyā hai
jism kī borī se bāhar bhī kabhī nikal ā.ūñgā
abhī to is par ḳhush huuñ us ne zinda chhoḌ diyā hai
zehn mirā āzād hai lekin dil kā dil muTThī meñ
aadhā us ne qaid rakhā hai aadhā chhoḌ diyā hai
jahāñ duā miltī thī allāh joḌī salāmat rakkhe
maiñ ne tere ba.ad udhar se guzarnā chhoḌ diyā hai
chāroñ shāne chit miTTī par girā paḌā huuñ 'tābish'
jaane kis ne dūsrī jānib rassa chhoḌ diyā hai
aankh pe paTTi bandh ke mujh ko tanha chhoD diya hai
ye kis ne sahra mein la kar sahra chhoD diya hai
jism ki bori se bahar bhi kabhi nikal aaunga
abhi to is par KHush hun us ne zinda chhoD diya hai
zehn mera aazad hai lekin dil ka dil muTThi mein
aadha us ne qaid rakha hai aadha chhoD diya hai
jahan dua milti thi allah joDi salamat rakkhe
main ne tere baad udhar se guzarna chhoD diya hai
chaaron shane chit miTTi par gira paDa hun 'tabish'
jaane kis ne dusri jaanib rassa chhoD diya hai
Source:
Ishq Abaad (kulliyat) (Pg. 585)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
