aankh us pur-jafa se laDti hai

aañkh us pur-jafā se laḌtī hai

jaan kushtī qazā se laḌtī hai

shola bhaḌke na kyuuñ ki mahfil meñ

sham.a tujh bin havā se laḌtī hai

qismat us but se jā laḌī apnī

dekho ahmaq ḳhudā se laḌtī hai

shor-e-qulqul ye kyuuñ hai duḳhtar-e-raz

kyā kisī pārsā se laḌtī hai

nahīñ mizhgāñ kī do safeñ goyā

ik balā ik balā se laḌtī hai

nigah-e-nāz us kī āshiq se

chhūT kis kis adā se laḌtī hai

tere bīmār ke sar-e-bālīñ

maut kyā kyā shifā se laḌtī hai

zāl-e-duniyā ne sulh kī kis din

ye laḌākā sadā se laḌtī hai

vaah kyā kyā tabī.at apnī bhī

ishq meñ ibtidā se laḌtī hai

dekh us chashm-e-mast kī shoḳhī

jab kisī pārsā se laḌtī hai

terī shamshīr-e-ḳhūñ ke chhīñToñ se

chhīñTe āb-e-baqā se laḌtī hai

sach hai al-harb ḳhud.atun ai 'zauq'

nigah us kī daġhā se laḌtī hai

aankh us pur-jafa se laDti hai

jaan kushti qaza se laDti hai

shola bhaDke na kyun ki mahfil mein

shama tujh bin hawa se laDti hai

qismat us but se ja laDi apni

dekho ahmaq KHuda se laDti hai

shor-e-qulqul ye kyun hai duKHtar-e-raz

kya kisi parsa se laDti hai

nahin mizhgan ki do safen goya

ek bala ek bala se laDti hai

nigah-e-naz us ki aashiq se

chhuT kis kis ada se laDti hai

tere bimar ke sar-e-baalin

maut kya kya shifa se laDti hai

zal-e-duniya ne sulh ki kis din

ye laDaka sada se laDti hai

wah kya kya tabiat apni bhi

ishq mein ibtida se laDti hai

dekh us chashm-e-mast ki shoKHi

jab kisi parsa se laDti hai

teri shamshir-e-KHun ke chhinTon se

chhinTe aab-e-baqa se laDti hai

sach hai al-harb KHudatun ai 'zauq'

nigah us ki dagha se laDti hai