aankhon ko sujhta hi nahin kuchh siwa-e-dost
āñkhoñ ko sūjhtā hī nahīñ kuchh sivā-e-dost
kānoñ meñ aa rahī hai barābar sadā-e-dost
kaisī vafā sitam se bhī us ne uThā.e haath
rah rah ke yaad ab aatī hai tarz-e-jafā-e-dost
siine meñ dāġh-hā-e-mohabbat kī hai bahār
phūlā hai ḳhuub ye chaman dil-kushā-e-dost
dil meñ mire jigar meñ mire aañkh meñ mirī
har jā hai dost aur nahīñ miltī hai jā-e-dost
muddat se paañv toḌe hue baiThe the 'sharaf'
āḳhir uḌā ke le hī chalī ab havā-e-dost
aankhon ko sujhta hi nahin kuchh siwa-e-dost
kanon mein aa rahi hai barabar sada-e-dost
kaisi wafa sitam se bhi us ne uThae hath
rah rah ke yaad ab aati hai tarz-e-jafa-e-dost
sine mein dagh-ha-e-mohabbat ki hai bahaar
phula hai KHub ye chaman dil-kusha-e-dost
dil mein mere jigar mein mere aankh mein meri
har ja hai dost aur nahin milti hai ja-e-dost
muddat se panw toDe hue baiThe the 'sharaf'
aaKHir uDa ke le hi chali ab hawa-e-dost
Source:
Deewan-e-Sharf Mujaddidi (Pg. 5)
- Author: Abdul Qadir Mujaddidi
-
- Edition: 1937
- Publisher: Raees-ul-Matabe, Kanpur
- Year of Publication: 1937
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
