aap jaison ke liye isMein rakha kuchh bhi nahin

aap jaisoñ ke liye is meñ rakhā kuchh bhī nahīñ

lekin aisā to na kahiye ki vafā kuchh bhī nahīñ

aap kahiye to nibhāte chale jā.eñge magar

is ta.alluq meñ aziyyat ke sivā kuchh bhī nahīñ

maiñ kisī tarah bhī samjhauta nahīñ kar saktā

yā to sab kuchh hī mujhe chāhiye yā kuchh bhī nahīñ

kaise jaanā hai kahāñ jaanā hai kyuuñ jaanā hai

ham ki chalte chale jaate haiñ patā kuchh bhī nahīñ

haa.e is shahr kī raunaq ke maiñ sadqe jā.ūñ

aisī bharpūr hai jaise ki huā kuchh bhī nahīñ

phir koī taaza suḳhan dil meñ jagah kartā hai

jab bhī lagtā hai ki likhne ko bachā kuchh bhī nahīñ

ab maiñ kyā apnī mohabbat kā bharam bhī na rakhūñ

maan letā huuñ ki us shaḳhs meñ thā kuchh bhī nahīñ

maiñ ne duniyā se alag rah ke bhī dekhā 'javvād'

aisī muñh-zor udāsī kī davā kuchh bhī nahīñ

aap jaison ke liye is mein rakha kuchh bhi nahin

lekin aisa to na kahiye ki wafa kuchh bhi nahin

aap kahiye to nibhate chale jaenge magar

is talluq mein aziyyat ke siwa kuchh bhi nahin

main kisi tarah bhi samjhauta nahin kar sakta

ya to sab kuchh hi mujhe chahiye ya kuchh bhi nahin

kaise jaana hai kahan jaana hai kyun jaana hai

hum ki chalte chale jate hain pata kuchh bhi nahin

hae is shahr ki raunaq ke main sadqe jaun

aisi bharpur hai jaise ki hua kuchh bhi nahin

phir koi taza suKHan dil mein jagah karta hai

jab bhi lagta hai ki likhne ko bacha kuchh bhi nahin

ab main kya apni mohabbat ka bharam bhi na rakhun

man leta hun ki us shaKHs mein tha kuchh bhi nahin

main ne duniya se alag rah ke bhi dekha 'jawwad'

aisi munh-zor udasi ki dawa kuchh bhi nahin