aapko chehre se bhi bimar hona chahiye

Munawwar Rana

aapko chehre se bhi bimar hona chahiye

Munawwar Rana

MORE BYMunawwar Rana

    aap ko chehre se bhī bīmār honā chāhiye

    ishq hai to ishq iz.hār honā chāhiye

    aap dariyā haiñ to phir is vaqt ham ḳhatre meñ haiñ

    aap kashtī haiñ to ham ko paar honā chāhiye

    aire-ġhaire log bhī paḌhne lage haiñ in dinoñ

    aap ko aurat nahīñ aḳhbār honā chāhiye

    zindagī kab talak dar-dar phirā.egī hameñ

    TūTā-phūTā sahī ghar-bār honā chāhiye

    apnī yādoñ se kaho ik din chhuTTī de mujhe

    ishq ke hisse meñ bhī itvār honā chāhiye

    aap ko chehre se bhi bimar hona chahiye

    ishq hai to ishq ka izhaar hona chahiye

    aap dariya hain to phir is waqt hum KHatre mein hain

    aap kashti hain to hum ko par hona chahiye

    aire-ghaire log bhi paDhne lage hain in dinon

    aap ko aurat nahin aKHbar hona chahiye

    zindagi tu kab talak dar-dar phiraegi hamein

    TuTa-phuTa hi sahi ghar-bar hona chahiye

    apni yaadon se kaho ek din ki chhuTTi de mujhe

    ishq ke hisse mein bhi itwar hona chahiye

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now