aap se shikwa ye karna hai agar raaz rahe

aap se shikva ye karnā hai agar raaz rahe

ahd meñ husn ke ham kushta-e-andāz rahe

shart parda hai to ye aaj se andāz rahe

merī āvāz meñ pinhāñ tirī āvāz rahe

ban gayā dard muqaddar se mire ye varna

naaz to rūh-e-mohabbat hai agar naaz rahe

maiñ jo asrār-e-mohabbat kahīñ zāhir kar duuñ

ho ke har saaz se paidā tirī āvāz rahe

aap ke ġham ko chhupā luuñ ye bajā farmāyā

aur agar rañg-e-ruḳh āmāda-e-parvāz rahe

saañs meñ naza.a kī hichkī ko badaltā huuñ maiñ

sa.ī-e-āḳhir hai agar rāz-e-vafā raaz rahe

aap se shikwa ye karna hai agar raaz rahe

ahd mein husn ke hum kushta-e-andaz rahe

shart parda hai to ye aaj se andaz rahe

meri aawaz mein pinhan teri aawaz rahe

ban gaya dard muqaddar se mere ye warna

naz to ruh-e-mohabbat hai agar naz rahe

main jo asrar-e-mohabbat kahin zahir kar dun

ho ke har saz se paida teri aawaz rahe

aap ke gham ko chhupa lun ye baja farmaya

aur agar rang-e-ruKH aamada-e-parwaz rahe

sans mein naza ki hichki ko badalta hun main

sai-e-aKHir hai agar raaz-e-wafa raaz rahe