aashob-e-husn ki bhi koi dastan rahe

āshob-e-husn kī bhī koī dāstāñ rahe

miTne ko yuuñ miTeñ ki abad tak nishāñ rahe

tauf-e-haram meñ yā sar-e-kū-e-butāñ rahe

ik barq-e-iztirāb rahe ham jahāñ rahe

un kī tajalliyoñ kā bhī koī nishāñ rahe

har zarra merī ḳhaak kā ātish-ba-jāñ rahe

kyā kyā haiñ dard-e-ishq kī fitna-tarāziyāñ

ham iltifāt-e-ḳhās se bhī bad-gumāñ rahe

mere sarishk-e-ḳhūñ meñ hai rañgīni-e-hayāt

yā rab fazā-e-husn abad tak javāñ rahe

maiñ rāzdār-e-husn huuñ tum rāzdār-e-ishq

lekin ye imtiyāz bhī kyuuñ darmiyāñ rahe

aashob-e-husn ki bhi koi dastan rahe

miTne ko yun miTen ki abad tak nishan rahe

tauf-e-haram mein ya sar-e-ku-e-butan rahe

ek barq-e-iztirab rahe hum jahan rahe

un ki tajalliyon ka bhi koi nishan rahe

har zarra meri KHak ka aatish-ba-jaan rahe

kya kya hain dard-e-ishq ki fitna-taraaziyan

hum iltifat-e-KHas se bhi bad-guman rahe

mere sarishk-e-KHun mein hai rangini-e-hayat

ya rab faza-e-husn abad tak jawan rahe

main raazdar-e-husn hun tum raazdar-e-ishq

lekin ye imtiyaz bhi kyun darmiyan rahe