aaya kiye wo bahr-e-mulaqat chand roz

aaya kiye vo bahr-e-mulāqāt chand roz

par nā.ika se ho na sakī baat chand roz

kyā kyā huiiñ na un kī ināyāt chand roz

kī jin se ham ne tark-e-mulāqāt chand roz

fasl-e-bahār kī bhī hai auqāt chand roz

bulbul na phuul hai ye karāmāt chand roz

mumkin nahīñ ki saut kā jhagḌā miTe kahīñ

Tal jaa.e apne sar se vo āfāt chand roz

har chand ho gayā muā qaa.el hazār meñ

baaz aaya is pe bhī na vo bad-zāt chand roz

shukr-e-ḳhudā ki ek bhī bhārī paḌī unheñ

laate the chaar chaar jo haihāt chand roz

matlab ye thā ki chaal meñ aa jaa.e chhokrī

samjhī na baat kī buā maiñ ghaat chand roz

sāvan hai jhūle Daal ke gaao saheliyo

do din kā abr hai arī barsāt chand roz

hai chaar din kī zindagī ye baat phir kahāñ

kar lo buā jī harf-o-hikāyāt chand roz

dekheñ vafā nikāhī meñ hai yā mutā'ī meñ

leñ imtihān qibla-e-hājāt chand roz

'anqā' tumhārī aa ga.iiñ 'mohsin' surūr meñ

ab tum bhī kar do bazm ko barḳhāst chand roz

aaya kiye wo bahr-e-mulaqat chand roz

par naika se ho na saki baat chand roz

kya kya huin na un ki inayat chand roz

ki jin se hum ne tark-e-mulaqat chand roz

fasl-e-bahaar ki bhi hai auqat chand roz

bulbul na phul hai ye karamat chand roz

mumkin nahin ki saut ka jhagDa miTe kahin

Tal jae apne sar se wo aafat chand roz

har chand ho gaya mua qael hazar mein

baz aaya is pe bhi na wo bad-zat chand roz

shukr-e-KHuda ki ek bhi bhaari paDi unhen

late the chaar chaar jo haihat chand roz

matlab ye tha ki chaal mein aa jae chhokri

samjhi na baat ki bua main ghat chand roz

sawan hai jhule Dal ke gao saheliyo

do din ka abr hai ari barsat chand roz

hai chaar din ki zindagi ye baat phir kahan

kar lo bua ji harf-o-hikayat chand roz

dekhen wafa nikahi mein hai ya muta'i mein

len imtihan qibla-e-hajat chand roz

'anqa' tumhaari aa gain 'mohsin' surur mein

ab tum bhi kar do bazm ko barKHast chand roz