aaya na ras nala-e-dil ka asar mujhe

Jigar Moradabadi

aaya na ras nala-e-dil ka asar mujhe

Jigar Moradabadi

MORE BYJigar Moradabadi

    aayā na raas nāla-e-dil asar mujhe

    ab tum mile to kuchh nahīñ apnī ḳhabar mujhe

    dil le ke mujh se dete ho dāġh-e-jigar mujhe

    ye baat bhūlne nahīñ umr bhar mujhe

    har-sū dikhā.ī dete haiñ vo jalva-gar mujhe

    kyā kyā fareb detī hai merī nazar mujhe

    miltī nahīñ hai lazzat-e-dard-e-jigar mujhe

    bhūlī huī na ho nigah-e-fitnagar mujhe

    Daalā hai be-ḳhudī ne ajab raah par mujhe

    āñkheñ haiñ aur kuchh nahīñ aatā nazar mujhe

    karnā hai aaj hazrat-e-nāseh se sāmnā

    mil jaa.e do ghaḌī ko tumhārī nazar mujhe

    mastāna kar rahā huuñ rah-e-āshiqī ko tai

    le jaa.e jazb-e-shauq mirā ab jidhar mujhe

    Dartā huuñ jalva-e-ruḳh-e-jānāñ ko dekh kar

    apnā banā na le kahīñ merī nazar mujhe

    yaksāñ hai husn-o-ishq sar-mastiyoñ rañg

    un ḳhabar unheñ hai na merī ḳhabar mujhe

    marnā hai un ke paañv pe rakh kar sar-e-niyāz

    karnā hai aaj qissa-e-ġham muḳhtasar mujhe

    siine se dil aziiz hai dil se ho tum aziiz

    sab se magar aziiz hai terī nazar mujhe

    maiñ duur huuñ to rū-e-suḳhan mujh se kis liye

    tum paas ho to kyuuñ nahīñ aate nazar mujhe

    kyā jāniye qafas meñ rahe kyā mo.āmla

    ab tak to haiñ aziiz mire bāl-o-par mujhe

    aaya na ras nala-e-dil ka asar mujhe

    ab tum mile to kuchh nahin apni KHabar mujhe

    dil le ke mujh se dete ho dagh-e-jigar mujhe

    ye baat bhulne ki nahin umr bhar mujhe

    har-su dikhai dete hain wo jalwa-gar mujhe

    kya kya fareb deti hai meri nazar mujhe

    milti nahin hai lazzat-e-dard-e-jigar mujhe

    bhuli hui na ho nigah-e-fitnagar mujhe

    Dala hai be-KHudi ne ajab rah par mujhe

    aankhen hain aur kuchh nahin aata nazar mujhe

    karna hai aaj hazrat-e-naseh se samna

    mil jae do ghaDi ko tumhaari nazar mujhe

    mastana kar raha hun rah-e-ashiqi ko tai

    le jae jazb-e-shauq mera ab jidhar mujhe

    Darta hun jalwa-e-ruKH-e-jaanan ko dekh kar

    apna bana na le kahin meri nazar mujhe

    yaksan hai husn-o-ishq ki sar-mastiyon ka rang

    un ki KHabar unhen hai na meri KHabar mujhe

    marna hai un ke panw pe rakh kar sar-e-niyaz

    karna hai aaj qissa-e-gham muKHtasar mujhe

    sine se dil aziz hai dil se ho tum aziz

    sab se magar aziz hai teri nazar mujhe

    main dur hun to ru-e-suKHan mujh se kis liye

    tum pas ho to kyun nahin aate nazar mujhe

    kya jaaniye qafas mein rahe kya moamla

    ab tak to hain aziz mere baal-o-par mujhe

    Videos
    This video is playing from YouTube

    Videos
    This video is playing from YouTube

    Iqbal Bano

    Iqbal Bano

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY