aaya piya sharab ka pyala piya hua

aayā piyā sharāb kā pyālā piyā huā

dil ke diye kī jot siiñ kājal diyā huā

aayā hai mere qatl pe darpesh be-tarah

aayā hai mujh kuuñ pesh vo apnā kiyā huā

maarā huā hai ḳhizr-e-mohabbat kī teġh kā

āb-e-hayāt-e-shauq siiñ tere jiyā huā

baiThā hai taḳht-e-shauq pe jo ho ke be-riyā

vo pādshāh-e-bārgah-e-kibriyā huā

niklā hai dil jalā ke mujh āñkhoñ se tifl-e-ashk

us shoḳh-e-be-jigar kā dekho kyā hiyā huā

dil le gayā hai mujh kuuñ de ummīd-e-dil-dahī

zālim kabhī to lā.egā merā liyā huā

nahīñ jab siiñ paas shāhid-e-gulgūñ-qabā 'sirāj'

jī par hai tañg jism kā jaama siyā huā

aaya piya sharab ka pyala piya hua

dil ke diye ki jot sin kajal diya hua

aaya hai mere qatl pe darpesh be-tarah

aaya hai mujh kun pesh wo apna kiya hua

mara hua hai KHizr-e-mohabbat ki tegh ka

aab-e-hayat-e-shauq sin tere jiya hua

baiTha hai taKHt-e-shauq pe jo ho ke be-riya

wo padshah-e-bargah-e-kibriya hua

nikla hai dil jala ke mujh aankhon se tifl-e-ashk

us shoKH-e-be-jigar ka dekho kya hiya hua

dil le gaya hai mujh kun de ummid-e-dil-dahi

zalim kabhi to laega mera liya hua

nahin jab sin pas shahid-e-gulgun-qaba 'siraj'

ji par hai tang jism ka jama siya hua