aazar-e-dil se rang-e-tabiat badal gaya

Rauf Yasin Jalali

aazar-e-dil se rang-e-tabiat badal gaya

Rauf Yasin Jalali

MORE BYRauf Yasin Jalali

    āzār-e-dil se rañg-e-tabī.at badal gayā

    āḳhir dimāġh fikr-e-musalsal se chal gayā

    jalva hazār pardoñ meñ chhuptā nahīñ kabhī

    tāb-e-ruḳh-e-nigār se ghūñghaT jal gayā

    da.avā karūñgā dāvar-e-mahshar ke sāmne

    duniyā se merī terī kashākash hal gayā

    afkār tere husn jādūgarī sanam

    har sher terī zulf ḳhushbū meñ Dhal gayā

    kal zindagī se apnī kuchh aise ḳhafā thā maiñ

    tum ne ye samjhā siine se armāñ nikal gayā

    āvārgī le jaa.e hai jaane kahāñ kahāñ

    niklā maiñ sahrā se jūñhī sū-e-jabal gayā

    uThtā hai dard pahlū meñ goyā nahīñ hai dil

    jaadū kisī shoḳh nigāhoñ chal gayā

    haiñ bul-havas hazāroñ koī ahl-e-dil nahīñ

    ab rasm-e-āshiqī se bhī husn-e-amal gayā

    daa.im shab-e-firāq meñ sho.ale se ishq ke

    misl-e-charāġh dāġh-e-dil-e-ḳhasta jal gayā

    kyā us ke meñ aa.ī ki muddat ke ba.ad yaar

    khulne lagā thā ham se va-lekin sambhal gayā

    āshuftagī se mere dil-e-nā-tavāñ haal

    bigḌā ḳhudāyā aisā mirā dam nikal gayā

    fariyād-e-sho.ala-bār ne kyā kyā ġhazab kiye

    jāveñ kahāñ 'jalālī' chaman saarā jal gayā

    aazar-e-dil se rang-e-tabiat badal gaya

    aaKHir dimagh fikr-e-musalsal se chal gaya

    jalwa hazar pardon mein chhupta nahin kabhi

    tab-e-ruKH-e-nigar se ghunghaT hi jal gaya

    dawa karunga dawar-e-mahshar ke samne

    duniya se meri teri kashakash ka hal gaya

    afkar tere husn ki jadugari sanam

    har sher teri zulf ki KHushbu mein Dhal gaya

    kal zindagi se apni kuchh aise KHafa tha main

    tum ne ye samjha sine se arman nikal gaya

    aawargi le jae hai jaane kahan kahan

    nikla main sahra se junhi su-e-jabal gaya

    uThta hai dard pahlu mein goya nahin hai dil

    jadu kisi ki shoKH nigahon ka chal gaya

    hain bul-hawas hazaron koi ahl-e-dil nahin

    ab rasm-e-ashiqi se bhi husn-e-amal gaya

    daim shab-e-firaq mein shoale se ishq ke

    misl-e-charagh dagh-e-dil-e-KHasta jal gaya

    kya us ke ji mein aai ki muddat ke baad yar

    khulne laga tha hum se wa-lekin sambhal gaya

    aashuftagi se mere dil-e-na-tawan ka haal

    bigDa KHudaya aisa mera dam nikal gaya

    fariyaad-e-shoala-bar ne kya kya ghazab kiye

    jawen kahan 'jalali' chaman sara jal gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY