ab bhi parde hain wahi parda-dari to dekho

ab bhī parde haiñ vahī parda-darī to dekho

aql kā da.avā-e-bāliġh-nazarī to dekho

sar paTakte haiñ ki dīvār-e-ḳhumistāñ Dhā deñ

hazrat-e-shaiḳh kī āshufta-sarī to dekho

aaj har zaḳhm ke muñh meñ hai zabān-e-fariyād

mere iisā kī zarā chāragarī to dekho

qaid-e-nazzāra se jalvaoñ ko nikalne na diyā

dostoñ kī ye vasī.a-un-nazarī to dekho

un se pahle hī chale aa.e janāb-e-nāseh

mere nāloñ kī zarā zūd-asarī to dekho

hai taġhāful ki tavajjoh nahīñ khulne paatā

husn-e-ma.asūm kī bedād-garī to dekho

mujh se hī pūchh rahā hai mirī manzil kā pata

mere rahbar kī zarā rāh-barī to dekho

un ko de aa.e haiñ ḳhud apnī mohabbat ke ḳhutūt

ġham-gusāroñ kī zarā nāma-barī to dekho

donoñ hī raah meñ Takrāte chale jaate haiñ

ishq aur aql kī ye ham-safrī to dekho

jāvedāñ qurb ke lamhāt hue haiñ maz.har

tā.ir-e-vaqt kī be-bāl-o-parī to dekho

ab bhi parde hain wahi parda-dari to dekho

aql ka dawa-e-baaligh-nazari to dekho

sar paTakte hain ki diwar-e-KHumistan Dha den

hazrat-e-shaiKH ki aashufta-sari to dekho

aaj har zaKHm ke munh mein hai zaban-e-fariyaad

mere isa ki zara chaaragari to dekho

qaid-e-nazzara se jalwaon ko nikalne na diya

doston ki ye wasia-un-nazari to dekho

un se pahle hi chale aae janab-e-naseh

mere nalon ki zara zud-asari to dekho

hai taghaful ki tawajjoh nahin khulne pata

husn-e-masum ki bedad-gari to dekho

mujh se hi puchh raha hai meri manzil ka pata

mere rahbar ki zara rah-bari to dekho

un ko de aae hain KHud apni mohabbat ke KHutut

gham-gusaron ki zara nama-bari to dekho

donon hi rah mein Takraate chale jate hain

ishq aur aql ki ye ham-safri to dekho

jawedan qurb ke lamhat hue hain mazhar

tair-e-waqt ki be-baal-o-pari to dekho