aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ab is se baDh ke kya nakaamiyan hongi muqaddar mein

Muztar Khairabadi

ab is se baDh ke kya nakaamiyan hongi muqaddar mein

Muztar Khairabadi

MORE BYMuztar Khairabadi

    ab is se baḌh ke kyā nākāmiyāñ hoñgī muqaddar meñ

    maiñ jab pahuñchā to koī bhī na thā maidān-e-mahshar meñ

    ilāhī nahr-e-rahmat bah rahī hai is meñ Dalvā de

    gunahgāroñ ke isyāñ bāñdh kar dāmān-e-mahshar meñ

    khule gesū to dīdār-e-ḳhudā bhī ho gayā mushkil

    qayāmat añdherā chhā gayā maidān-e-mahshar meñ

    sharīk-e-kasrat-e-maḳhlūq kyuuñ ho gayā yārab

    tirī vahdat parda kyā huā maidān-e-mahshar meñ

    qayāmat to hamārī thī ham aapas meñ nibat lete

    koī pūchhe ḳhudā kyuuñ aa gayā maidān-e-mahshar meñ

    kisī ābla-pā qabr se ye pūchhtā uTThā

    kahīñ thoḌe bahut kāñTe bhī haiñ maidān-e-mahshar meñ

    ilāhī dard ke qisse bahut haiñ vaqt thoḌā hai

    shab-e-furqat dāman bāñdh de dāmān-e-mahshar meñ

    na uThte kushtagān-e-nāz hargiz apnī turbat se

    tirī āvāz shāmil ho ga.ī thī sūr-e-mahshar meñ

    tah-e-madfan mujhe rahte zamāna ho gayā 'muztar'

    kuchh aisī niiñd soyā huuñ ki ab jāgūñgā mahshar meñ

    ab is se baDh ke kya nakaamiyan hongi muqaddar mein

    main jab pahuncha to koi bhi na tha maidan-e-mahshar mein

    ilahi nahr-e-rahmat bah rahi hai is mein Dalwa de

    gunahgaron ke isyan bandh kar daman-e-mahshar mein

    khule gesu to didar-e-KHuda bhi ho gaya mushkil

    qayamat ka andhera chha gaya maidan-e-mahshar mein

    sharik-e-kasrat-e-maKHluq tu kyun ho gaya yarab

    teri wahdat ka parda kya hua maidan-e-mahshar mein

    qayamat to hamari thi hum aapas mein nibat lete

    koi puchhe KHuda kyun aa gaya maidan-e-mahshar mein

    kisi ka aabla-pa qabr se ye puchhta uTTha

    kahin thoDe bahut kanTe bhi hain maidan-e-mahshar mein

    ilahi dard ke qisse bahut hain waqt thoDa hai

    shab-e-furqat ka daman bandh de daman-e-mahshar mein

    na uThte kushtagan-e-naz hargiz apni turbat se

    teri aawaz shamil ho gai thi sur-e-mahshar mein

    tah-e-madfan mujhe rahte zamana ho gaya 'muztar'

    kuchh aisi nind soya hun ki ab jagunga mahshar mein

    Source:

    Khirman  (Part-11) (Pg. 54)

    • Author: Muztar Khairabadi
      • Edition: 2015
      • Publisher: Javed Akhtar
      • Year of Publication: 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now