ab ise kya kare koi aankhon mein raushni nahin
ab ise kyā kare koī āñkhoñ meñ raushnī nahīñ
shahr bhī ajnabī nahīñ log bhī ajnabī nahīñ
ham ne ye soch kar kabhī jur.at-e-arz kī nahīñ
shikva ba-sad-ḳhulūs bhī sheva-e-dostī nahīñ
yuuñ to baḌe ḳhulūs se log hue haiñ ham-safar
raah meñ saath chhoḌ deñ un se ba.iid bhī nahīñ
pursish-e-hāl ke sivā koī kare bhī kyā magar
pursish-e-hāl dosto tanz hai dostī nahīñ
biite hue ḳhushī ke din bhūlī huī kahāniyāñ
aap ko yaad hoñ to hoñ ham ko to yaad bhī nahīñ
ab ise kya kare koi aankhon mein raushni nahin
shahr bhi ajnabi nahin log bhi ajnabi nahin
hum ne ye soch kar kabhi jurat-e-arz ki nahin
shikwa ba-sad-KHulus bhi shewa-e-dosti nahin
yun to baDe KHulus se log hue hain ham-safar
rah mein sath chhoD den un se baid bhi nahin
pursish-e-haal ke siwa koi kare bhi kya magar
pursish-e-haal dosto tanz hai dosti nahin
bite hue KHushi ke din bhuli hui kahaniyan
aap ko yaad hon to hon hum ko to yaad bhi nahin
Source:
Funoon(Jadeed Ghazal Number: Volume-002) (Pg. 539)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
