ab kahan ja ke ye samjhaen ki kya hota hai
ab kahāñ jā ke ye samjhā.eñ ki kyā hotā hai
ek aañsū jo sar-e-chashm-e-vafā hotā hai
is guzargāh meñ is dasht meñ ai jazba-e-ishq
juz tire kaun yahāñ ābla-pā hotā hai
dil kī mehrāb meñ ik sham.a jalī thī sar-e-shām
sub.h-dam mātam-e-arbāb-e-vafā hotā hai
diip jalte haiñ diloñ meñ ki chitā jaltī hai
ab kī dīvālī meñ dekheñge ki kyā hotā hai
jab barastī hai tirī yaad kī rañgīn phuvār
phuul khilte haiñ dar-e-mai-kada vā hotā hai
ab kahan ja ke ye samjhaen ki kya hota hai
ek aansu jo sar-e-chashm-e-wafa hota hai
is guzargah mein is dasht mein ai jazba-e-ishq
juz tere kaun yahan aabla-pa hota hai
dil ki mehrab mein ek shama jali thi sar-e-sham
subh-dam matam-e-arbab-e-wafa hota hai
dip jalte hain dilon mein ki chita jalti hai
ab ki diwali mein dekhenge ki kya hota hai
jab barasti hai teri yaad ki rangin phuwar
phul khilte hain dar-e-mai-kada wa hota hai
Source:
Bisat-e-Raqs (Pg. 143)
- Author: Makhdoom Mohiuddin
-
- Edition: 1986
- Publisher: Urdu Academy, Hyderabad
- Year of Publication: 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
