ab na wo hum hain na wo pyar ki surat teri

ab na vo ham haiñ na vo pyaar kī sūrat terī

na vo hālat hai hamārī na vo hālat terī

dekh lī dekh lī bas ham ne tabī.at terī

ho na dushman ke bhī dushman ko mohabbat terī

kyā ġharaz us se ho dushman pe ināyat terī

ham to jiite haiñ faqat dekh ke sūrat terī

ye bhī aa jaatī hai jab dekh lī sūrat terī

sach hai ulfat nahīñ muñh dekhe kī ulfat terī

tark-e-ulfat hī nahīñ qat-e-ta.alluq bhī kyā

phir bhī jaatī nahīñ zālim ye mohabbat terī

daḳhl hogā na kabhī jis meñ gunahgāroñ kā

hogī ai vā.iz-e-kaj-fahm vo jannat terī

chāhne vāloñ kā hañgāma kisī din hogā

ek din tujh ko rulā.egā ye sūrat terī

ye taḌap ye tirī fariyād ye hasrat ai dil

kaash aa jaa.e mirī jaan pe aafat terī

pahle kuchh aur hī tevar the ye tevar tere

pahle kuchh aur hī sūrat thī ye sūrat terī

dekhne vāloñ kī ik bhiiḌ rahā kartī thī

uf re vo husn tirā haa.e vo sūrat terī

us pe hairat hai baḌī mujh ko ta.ajjub hai bahut

ġhair phir ġhair ke dil meñ ho mohabbat terī

aadmī kī tujhe pahchān nahīñ ai zālim

ham to karte haiñ tire muñh pe shikāyat terī

tujh ko dilbar jo banāyā to banāyā ham ne

varna ma.alūm hai duniyā ko haqīqat terī

jaan de dī na agar maiñ ne to kuchh bhī na kiyā

aap kahte hī raheñ kyā hai haqīqat terī

chain aatā hī na thā tujh ko hasīnoñ ke baġhair

ai safī' kyā huī aglī vo tabī.at terī

ab na wo hum hain na wo pyar ki surat teri

na wo haalat hai hamari na wo haalat teri

dekh li dekh li bas hum ne tabiat teri

ho na dushman ke bhi dushman ko mohabbat teri

kya gharaz us se ho dushman pe inayat teri

hum to jite hain faqat dekh ke surat teri

ye bhi aa jati hai jab dekh li surat teri

sach hai ulfat nahin munh dekhe ki ulfat teri

tark-e-ulfat hi nahin qat-e-talluq bhi kya

phir bhi jati nahin zalim ye mohabbat teri

daKHl hoga na kabhi jis mein gunahgaron ka

hogi ai waiz-e-kaj-fahm wo jannat teri

chahne walon ka hangama kisi din hoga

ek din tujh ko rulaega ye surat teri

ye taDap ye teri fariyaad ye hasrat ai dil

kash aa jae meri jaan pe aafat teri

pahle kuchh aur hi tewar the ye tewar tere

pahle kuchh aur hi surat thi ye surat teri

dekhne walon ki ek bhiD raha karti thi

uf re wo husn tera hae wo surat teri

us pe hairat hai baDi mujh ko tajjub hai bahut

ghair phir ghair ke dil mein ho mohabbat teri

aadmi ki tujhe pahchan nahin ai zalim

hum to karte hain tere munh pe shikayat teri

tujh ko dilbar jo banaya to banaya hum ne

warna malum hai duniya ko haqiqat teri

jaan de di na agar main ne to kuchh bhi na kiya

aap kahte hi rahen kya hai haqiqat teri

chain aata hi na tha tujh ko hasinon ke baghair

ai safi' kya hui agli wo tabiat teri