ab na wo ishq na kuchh uski KHabar baqi hai

ab na vo ishq na kuchh us kī ḳhabar baaqī hai

hai safar ḳhatm ik āshob-e-safar baaqī hai

koī aayā na gayā barsoñ se in rāhoñ meñ

ma.arka kaisā sar-e-rāhguzar baaqī hai

jalne paatā nahīñ koī diyā koī jugnū

tāq-e-dil meñ ga.ī āñdhī kā asar baaqī hai

ab bhī kahlātā hai vo shaḳhs to mahbūb-e-nazar

dil dukhāne kā abhī us meñ hunar baaqī hai

āḳhirī sham.a to lo bujh ga.ī jal kar yaaro

is dhueñ meñ magar imkān-e-sahar baaqī hai

sab marāhil se guzar bhī liye kab ke ham 'aah'

habs-e-tanhā.ī meñ mar jaane kā Dar baaqī hai

ab na wo ishq na kuchh us ki KHabar baqi hai

hai safar KHatm ek aashob-e-safar baqi hai

koi aaya na gaya barson se in rahon mein

marka kaisa sar-e-rahguzar baqi hai

jalne pata nahin koi diya koi jugnu

taq-e-dil mein gai aandhi ka asar baqi hai

ab bhi kahlata hai wo shaKHs to mahbub-e-nazar

dil dukhane ka abhi us mein hunar baqi hai

aaKHiri shama to lo bujh gai jal kar yaro

is dhuen mein magar imkan-e-sahar baqi hai

sab marahil se guzar bhi liye kab ke hum 'ah'

habs-e-tanhai mein mar jaane ka Dar baqi hai