ab wo pahli si shiddat kahan hai

ab vo pahlī sī shiddat kahāñ hai

hijr meñ ve tamāzat kahāñ hai

ham to Thahre sadā ke gadāgar

tū batā terī daulat kahāñ hai

dekh kar chāñd jaltā thā jis ko

aaj vo ḳhūbsūrat kahāñ hai

saañs ḳhud hī chalī aa rahī hai

saañs lene kī fursat kahāñ hai

aa.ina maiñ ne dekhā to dekhā

saare aalam kī hairat kahāñ hai

ab to bas ek dil hī bachā hai

aur vo bhī salāmat kahāñ hai

aadmī to nazar aa rahe haiñ

haañ magar ādamiyat kahāñ hai

DhūñDne se jo mil jaa.e 'momin'

DhūñD lenā mohabbat kahāñ hai

ab wo pahli si shiddat kahan hai

hijr mein we tamazat kahan hai

hum to Thahre sada ke gadagar

tu bata teri daulat kahan hai

dekh kar chand jalta tha jis ko

aaj wo KHubsurat kahan hai

sans KHud hi chali aa rahi hai

sans lene ki fursat kahan hai

aaina main ne dekha to dekha

sare aalam ki hairat kahan hai

ab to bas ek dil hi bacha hai

aur wo bhi salamat kahan hai

aadmi to nazar aa rahe hain

han magar aadamiyat kahan hai

DhunDne se jo mil jae 'momin'

DhunD lena mohabbat kahan hai