abas toDa mera dil naz sikhlane ke kaam aata
abas toḌā mirā dil naaz sikhlāne ke kaam aatā
ye ā.īna thā us ḳhud-bīñ ko itrāne ke kaam aatā
jalāyā mus.haf-e-dil tū ne kyuuñ barq-e-taġhāful se
jo sach bolūñ tujhe jhūTī qasam khāne ke kaam aatā
na maltā ḳhaak meñ us gul ke ġham kā ashk agar merā
kasī bulbul ke shāyad aab aur daane ke kaam aatā
dil-e-sad-chāk kā shāna mirā TuuTā tire hāthoñ
vagarna zulf-e-dūd-e-āh suljhāne ke kaam aatā
liye 'uzlat' ke muue sar bayābāñ ke babūloñ ne
jo bachtā ye chañvar jārūb vīrāne ke kaam aatā
abas toDa mera dil naz sikhlane ke kaam aata
ye aaina tha us KHud-bin ko itrane ke kaam aata
jalaya mushaf-e-dil tu ne kyun barq-e-taghaful se
jo sach bolun tujhe jhuTi qasam khane ke kaam aata
na malta KHak mein us gul ke gham ka ashk agar mera
kasi bulbul ke shayad aab aur dane ke kaam aata
dil-e-sad-chaak ka shana mera TuTa tere hathon
wagarna zulf-e-dud-e-ah suljhane ke kaam aata
liye 'uzlat' ke mue sar bayaban ke babulon ne
jo bachta ye chanwar jarub virane ke kaam aata
Source:
Deewan-e-uzlat(Rekhta Website)https://rekhta.org/ebooks/deewan-e-uzlat-syed-saadullah-ebooks (Pg. 5)
- Author: Syed Saadullah
-
- Edition: 1759
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
