abhi nazar mein Thahar dhyan se utar ke na ja
abhī nazar meñ Thahar dhyān se utar ke na jā
is ek aan meñ sab kuchh tabāh kar ke na jā
mujhe hijāb nahīñ bosa-e-judā.ī se
magar laboñ ke piyāle meñ pyaas bhar ke na jā
mire ḳhayāl meñ terā koī javāz nahīñ
ḳhudā kī tarah mirī zaat meñ bikhar ke na jā
sambhāl apnī nigāhoñ meñ vāpsī ke savāl
mire javāb ke pindār se guzar ke na jā
har ek rāsta dīvār ban ke haa.il hai
na jā ki dasht na.e silsile haiñ ghar ke na jā
abhi nazar mein Thahar dhyan se utar ke na ja
is ek aan mein sab kuchh tabah kar ke na ja
mujhe hijab nahin bosa-e-judai se
magar labon ke piyale mein pyas bhar ke na ja
mere KHayal mein tera koi jawaz nahin
KHuda ki tarah meri zat mein bikhar ke na ja
sambhaal apni nigahon mein wapsi ke sawal
mere jawab ke pindar se guzar ke na ja
har ek rasta diwar ban ke hail hai
na ja ki dasht nae silsile hain ghar ke na ja
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
