abhi se aafat-e-jaan hai ada ada teri

abhī se āfat-e-jāñ hai adā adā terī

ye ibtidā hai to kyā hogī intihā terī

mirī samajh meñ ye qātil na aaj tak aayā

ki qatl kartī hai talvār yā adā terī

naqāb laakh chhupā.e vo chhup nahīñ saktī

mirī nazar meñ jo sūrat hai dilrubā terī

lahū kī buuñd bhī ai tīr-e-yār dil meñ nahīñ

ye fikr hai ki tavāzo karūñ maiñ kyā terī

suñghā rahī hai mujhe ġhash meñ nik.hat-e-gesū

ḳhudā darāz kare umr ai sabā terī

adā pe naaz to hotā hai sab hasīnoñ ko

fazā ko naaz hai jis par vo hai adā terī

'jalīl' yaar ke dar tak guzar nahīñ na sahī

hazār shukr ki hai us ke dil meñ jā terī

abhi se aafat-e-jaan hai ada ada teri

ye ibtida hai to kya hogi intiha teri

meri samajh mein ye qatil na aaj tak aaya

ki qatl karti hai talwar ya ada teri

naqab lakh chhupae wo chhup nahin sakti

meri nazar mein jo surat hai dilruba teri

lahu ki bund bhi ai tir-e-yar dil mein nahin

ye fikr hai ki tawazo karun main kya teri

sungha rahi hai mujhe ghash mein nikhat-e-gesu

KHuda daraaz kare umr ai saba teri

ada pe naz to hota hai sab hasinon ko

faza ko naz hai jis par wo hai ada teri

'jalil' yar ke dar tak guzar nahin na sahi

hazar shukr ki hai us ke dil mein ja teri